Ir al Contenido (Presione enter)

22 URRIA 2017

XII LEGEGINTZALDIA

Azken eguneraketa  25/11/2014

 

Eskatzeko eskubidea oinarrizko eskubidea da eta haren titulartasuna pertsona fisiko eta juridiko guztiei dagokie, edozein dela ere haien herritartasuna. Konstituzioaren 29. artikuluan dago jasota eta 4/2001 Lege Organikoan garatuta. Bakarka edo taldean erabil daitekeen eskubidea da eta benetako egitateak jakinarazteko edo esku-hartze bat eskatzeko edo bietarako botere publikoetara jotzeko ahalmenean datza. Hala ere, ez dira eskubide honen baitan sartzen ordenamendu juridikoan prozedura espezifiko bat jarrita duten eskaerak, ezta parlamentuko, administrazioko edo prozesu judizialetako prozeduretan sartzen direnak ere.

 

Eskaera Senatuari zuzendua badago, Konstituzioaren 77.artikuluak eta Senatuaren Erregelamenduaren 192-195 artikuluek arautzen dute oinarrizko eskubide horren erabilera. Idatziak Senatuko Erregistro Orokorrean aurkeztu behar dira bertara joanda edo, bestela, idatziz bidali. Eskatzailearen edo eskatzaileen nortasuna, herritartasuna, jakinarazpenak bidaltzeko helbidea, eskaeraren hartzailea eta eskaeraren helburua adierazi beharko dira.

 

Eskaeren Batzordeak aztertzen ditu eskaerak. Bilkura-aldi arrunt bakoitzean bidali behar duen txostenean, ondoren Senatuko osoko bilkurak aztertzen duen horretan, eskaera bakoitzarekin hartutako erabakia adieraziko da eta, hala dagokionean, eskaera erantzuteko zer agintaritzari igorri zaion ere jakinaraziko da. Erantzunak eskaeren egileei bidaliko zaizkie.

 

Eskubide hau gauzatzea errazagoa izan dadin, hona hemen Senatuko Erregistro Orokorrean aurkezteko idatzizko eredu bat.

 

- Idatziaren eredua