FAKTUREN ATARIA


Azden eguneraketa 7/12/2018

 

 

Estatuko Administrazio Orokorrak gaitutako plataformari ("FACe – Faktura Elektronikoen Sarrera Puntu Orokorra") Ganbera atxikitzeko baimena eman du Senatuaren Mahaiak, eta hala, Senatuaren hornitzaileek 2018ko abenduaren 1etik aurrera beren fakturak horren bitartez aurkeztuko dituzte, une horretan FACSEN atariak funtzionamenduan egoteari utziko baitio. Egun horretaraino atari horretan jaso izan dira Senatuari zuzendutako faktura elektronikoak.

 

Dena den, abenduaren 1eko 00:00ak arte aurkeztutako fakturek, baldin eta horien izapideak amaitu ez badira, beren ohiko ibilbideari jarraituko diote, nahiz eta hornitzaileek ezingo duten modu elektronikoan eskuratu horien izapidetze-egoerari buruzko informaziorik, eta hala, unitate izapidegileek eman beharko dute informazio hori. Inola ere ez dira bikoizturik aurkeztu beharko FACe atarian.

 

FACe atariko informazio orokorra eskuratu ahal izateko helbide elektronikoa hauxe da: https://face.gob.es/es.

 

Plataforma horren hasierako orrian hornitzaileek hori erabili ahal izateko beharrezkoa den informazio guztia dago, erabilerari buruzko eskuliburuak eta ohiko galderak ere barne, eta halaber, laguntzako formularioa eta gorabeheretarako telefonoak, FACe atariaren funtzionamenduari buruzko edozein zalantzaren aurrean erabili beharrekoak.